Meeqqat Angerlarsimaffiat Uummannaq nalliussineqarluartoq

Meeqqat 30-t missaat Uummannami meeqqat angerlarsimaffianni najugaqarput.

Ukiut 90-inngorlugit nalliuttorsiornera nalliussineqarmat oqalugiartoqarpoq, operamillu erinarsortartoq Josef Lund Josefsen nipilersortartorlu Rene Brandt Løvstrøm tusarnaartitsisut ilagaat.

Meeqqat Uummannami meeqqat angerlarsimaffianni najugallit meeqqanut aamma tusarnaartitsipput.

Uummannami meeqqat angerlarsimaffianni pisortap nalliussinnginnerminni oqaatigaa, Uummannami meeqqat angerlarsimaffiata ukiut 90-inngorlugit nalliuttorsiornerata malunnartinnissaa pingaartissimagitsik.

- Ullormi immikkuullarissuusussaammat pingaartipparput, 90-immi ukiorpassuupput. Tamatuma Uummannarmiut soorunamilu allat illoqarfiup avataaniit ornigullutik peqataajartorusuttut peqatigalugit nalliussineqarluarnissaa ukioq naallugu pilersaarusiorparput.

Aqaguani torersaaqatigeerrappugut, Uummannami meeqqat angerlarsimaffianni pisortaq Ann Andreassen oqarpoq.