Meeqqat angajoqqaaminnut uukapaatitsisarsimapput

Piffissami kingullermi Nuummi meeqqat biilinik tillinniartalersimanerat Nuup kommuniata pinaveersaartitsisut iliuuseqarfigaat.

Sapaatip-akunnerata ingerlanerani Nuummi miljøarbejderit, meeqqat biilinik tillinniarsimasut angerlarsimaffiinut pulaaqattaarput.

Miljøarbejderini ittuusoq Jakob Fencker Noahsen ima oqarpoq:

- Nerippugut soorunami biilinik tillinniarneq appariassasoq. Angajoqqaat namminneq akisussaaffimminnik tigusipput, namminnerlu kissaateqarput pinasuartumik ataatsimiissallutik. Namminneerlutik aamma ujartorpaat oqarasuaatikkut normuminnik agguaaqatigiinnissartik.

- Paasinarsisimavormi meeqqat ikinngutiminni tukkujumariarlutik sunaaffa ikinngutiminni tukkusimanatik uukapaatitsissutigisarsimagaat, taama oqarpoq, Jakob Fencker Noasen.

Sisamanngormat unnukkut angajoqqaat ataatsimiisinneqarput, kommunimi pinaveersaartitsinermut Ilaqutariinnullu siunnersuisuisartut peqatigalugit.

Ataatsimiinnermi isumaqatigiissutigineqarpoq, siunissami assingusunik pisoqaqqissappat ajornartorsiutit assigiit angajoqqaat taamaalillutik oqaloqatigiissutigisinnaassagaat.

Maannamuugallartorli angajoqqaat arfineq-marluk aaqqiissutissanik ujartuipput.

Angajoqqaat kommunimiillu ataatsimeeqataasut novemberip aallartinnerani ataatsimeeqqissapput, anguneqarsimasunik nalilersuillutik.

Kingullermik arfininngormat biilinik tillinniat qulit politeeqarfimmut nalunaarutigineqarsimapput.