Meeqqat amerlasuut tuberkulosemik tunillatsissimapput
Nakorsat aviisianni Ugeskrift for Læger, tassani allaaserineqartoq malillugu, mississuisimanerit takutippaat kalaallit meerartaat quliuingaangata ataaseq tuberkuluusimik tunillatsissimasartarpoq. Kalaallit Nunaata kujataani meeqqat tallimaagaangata ataaseq tuberkulose-mik tunillatsissimasarpoq.
Tunillaassuunneq annertuvoq, Kalaallit Nunaanni Nakorsaq peqqinnissamik nakkutilliisuutitaq Flemming Stenz aviisimi Kristeligt Dagblad-imi issuarneqarpoq. Meeqqat tunillatsissimagaluarlutik nappaatigilerneq ajorpaat, sisamaagaangatali ataaseq tuberkulose-mik nappaateqalersinnaavoq taamaalillunilu tunillaassuisinnaalluni, Flemming Stenz Kalaallit Nunaanni peqqinnissamik nakkutilliisuutitaq oqarpoq.
Rigshospital-imi nappaatinik tunillaassuuttunik immikkoortortaqarfiani Epidemiafdeling-imi nakorsaanerup Åse Bengård Andersen-ip kalaallit meeerartaasa tuberkulose-mik nappaateqarnerat pillugu misissuinera aallaavigalugu, Kalaallit Nunaanni tuberkulose-p akiorniarneranut ukioq 2012-ip tungaanut Namminersornerullutik Oqartussat suliuniummik pilersaarusiorput.