Meeqqat Afrika pillugu pisulersut
Kalaalliaqqat qallunaajaqqallu atuartut Afrikami meeqqanut kaattunut koruuninik millioninik arlalinnik tuniseqataasinnaapput katersuiniarneq januaarip 21-iani pisussaaq tapersersorluarneqassappat.
Katersuiniarnermi periuserineqartussaq malillugu meeqqat kamissinnarlutik kilometerit marlussuit pisussapput. Lego Fonden, meeqqat pillugit suliniutinik assigiinngitsunik tapersersuisartoq, pisunneqartumut kilometerimut ataatsimut 1 koruunimik tapiissuteqartarniarpoq.
Grønlandske Skoleidræt meeqqat atuartut Danmarkimi timigissartinneqarnerat nalerorlugu siornatigut peqataasarpoq ullorlu taanna meeqqat kalaaliaqqat qallunaajaqqallu 700.000-it timigissartarput.
- Taakku amerlaqataat agguaqatigiisillugu 5 kilometeri pisuppata 3,5 millionit koruunit katersorneqassapput, Kim Godtfredsen Grønlandsk Skoleidrætimiit taama nalunaarpoq.
Taanna aamma isumaqarpoq katersuiniarnermut peqataaneq meeqqat ilikkagaqarfigisinnaagaat.
- Periarfissaqassapput pisariaqartitsilluinnartunut katersuiniussinermi peqataanissamut. Taassuma saniatigut aamma paasisaqarfigissavaat nunarsuatsinni atukkat qanoq assigiinngitsiginerat, taama Kim Godtfredsen oqarpoq.
Aningaasat katesorneqartut Danmarkimi katersuiniarnersuaq januaarip 29-iani DR1-imi aliikkusersuinikkut ingerlanneqalerpat tunniunneqassapput.