Meeqqat 20-it sallunaveeqqutitut tigusarineqartut
Nukappissap 17-inik ukiullip nikalloqqajaasup ullaarmanna, meeqqat meeqqerivimmiittut 20-t taakkualu paarsisuat sallunaveeqqutitut tigusarai.
Tigusarinninnermi kingorna meeqqat 14-it iperareerpai. Aallaqqaammut meeqqat arfineq pingasut iperarneqarput, kingusinnerusukkullu arfinillit ataasiakkaarlutik iperagaasarlutik.
Besanconimi borgmesterip oqaatigaa, meeqqat tallimat arfinillilluunniit suli tigusaaqqasut, aviisimi Le Figaro-mi taama allaaserinnittoqarpoq.
Nukappissap, ataatsimik marlunniluunniit pananik sakkoqartup, meeqqerivik nalunaaqutaq arfineq pingasut qaangerlugit tanneq pingasunut ammarmat tigusarinninini aallartippaa.
Politiit ullaarli tiguaasoq isumaqatigiinniarfigilerpaat, maannamulli nukappissap tigusarinninneranut pissutaasoq suli paasineqanngilaq.
Nukappiaq "marlunnik panaqarluni meeqqerivimmut iserpoq arlaannillu piumasaqaateqarluni." Sunarpiaq piumanerlugu oqaatiginngilaa.
17-inik ukiulik nikalloqqajaasartutut ilisimaneqarpoq.
Meeqqerivimmi iserfigineqartumi meeqqat sisamanit arfinilinnut ukioqarput.