Meeqqanut tapit toqqaannartumik ikineqartalissapput

Inatsisip nutaap marsip ulluisa aallaqqaataanni atuutilersup tamanna kingunerissavaa. Ilaqutariit meerartallit tapiissutinik pissarsisinnaatitaasut, aningaasat tigunissaannut qulakkeerunneqarput.

Naartumermi, erninermut atatillugu sulinngiffeqarnermi meeravissiartaaarnermilu sulinngiffeqarallarneq ullormusiaqartarnerlu pillugit inatsit nutaaq ilutigisaanik atuutilissaaq.

Taamaalilluni angajoqqaanngorlaat sulinngiffeqarallarneq unitsinngikkaluarlugu sulinermut atatillugu ataatsimiinnernut, pikkorissarnernut ullunullu sammisaqarfiusunut assigisaannullu peqataasinnaalissapput.

Taakku saniatigut meeravissiartaartut angajoqqaviusut sulinngiffeqarallartarnermut ullormusiaqartarnermullu pisinnaatitaaffiisa assinginik peqalissapput. Taamatuttaaq angajoqqaarsiaasut meeqqamik inissinneqartumik paarsinerminnut atatillugu erninermut atatillugu sulinngiffeqarallarsinnaatitaalissapput.