Meeqqanut siunnersuisooqatigeeqalernissaa PIP-mit kissaatigineqarpoq
Naalagaaffiit Peqatigiit meeqqat pillugit suliniaqatiiffiata, UNICEF-ip, meeqqat atugaat pillugit siorna uparuaanerata kingorna suleqatigiissitaq meeqqat atuagarisaasa ajunnginnerulernissaannik suliniuteqartoq, pilersinneqarpoq.
Suleqatigiissitaq qaammatip ingerlanerani pingaarnersiuissaaq.
- Meeqqat oqariartuutaat siunnersuisoqatigiit aqqutigalugit naalakkersuisunut ingerlateqinneqartartussaammata pingaartippara, Kaalina Skifte oqarpoq.
Takorloorsinnaavarput meeqqat atugaat ajunnginnerulerumaartut?
- Meeqqat inuusuttuaqqallu atugaasa siunissami ajunnginnerulernissaat tunaartaraluguinnersuussutit sananikuuavut, Kaaliina Skifte oqarpoq.
Aalajangiisussaagaluaruit meeqqanut suliniutit sorliit salliutissagaluarpigit?
- Suliniutit tamarmik pingaaruteqarput, kisianni aningaasat 25 millionit koruunit soorunami killeqarmata , meeqqanut siunnersuisooqatigiinnik pilersitsinissaq siulliutillugu kissaatigissagaluarpara, Kaaliina Skifte oqarpoq.
- Siunnersuisooqatigiit aqqutigalugit meeqqat isumaat tusarniarneqartussaagamik, taamaasillutik meeqqat isumaat naalakkersuisunut apuunneqartartussaallutik, Kaaliina Skifte oqarpoq.
Meeqqat ilaqutariillu atugarissaarnissaat pillugu suleqatigiissitap sulinissaanut, 25 millionit koruuninik aningaasaliiffigineqarpoq.
Suleqatigiissitaq kattuffinnik Naalakkersuisoqarfinniillu assigiinngitsunit inuttaqartoq, suliniutinik qaammatip uuma ingerlanerani pingaarnersiortussaavoq.