Meeqqanut politikkit isumassarsiorfigineqarsinnaalerput
Kommunit sisamat meeqqanut inuusuttunullu politikkitik naammassereersimanissaa, kommuninit allanit isumassarsiorfigineqarniassammata kommuneqarfiit kattuffiata KANUKOKA-p internetikkut nittartagaani takuneqarsinnaalerput.
- Kommunit amerlanerit meeqqanut inuusuttunullu politikkeqalernissaat soorunami soqutigaarput. Naalakkersuinermillu suliallit suliassaraat kommunit politikkimik taamaattumik amigaatillit kajumissaartarnissaat, KANOKOKA-mi siunnersorti Kesia Bruun nassuiaavoq.
Kommunit sisamat meeqqanut inuusuttunullu politikkillit tassaapput Qasigiannguit, Ilulissat, Aasiaat aamma Nuuk.
Kommuneqarfik Upernavik aamma taamaattumik politikkertaalersoq Kesia Bruun oqarpoq.
- Naalakkersuinermik sulialinnit akuerineqareeriarpat nittartakkatsinnut ilanngutissavarput, Kesia Bruun oqarpoq.