Meeqqanut kinguaassiuutitigut atornerluisarnermut ilisimasaqarnerulerput.

Kinguaassiuutitigut atornerluisarneq pillugu inuiaqatigiinni annertunerusumik pinaveersaartitsisoqarnissaq iliuuseqarfigineqartariaqartoq, misissuinermi saqqummersinneqarpoq.

- Kinguaassiuutitigut atornerluisarneq annertoorujussuusoq misissuinerup naqissuseqqippaa, kisianni saqqummersinneqarpoq inersimasut ataatsimut aaqqissuussani peqataasarnerat meeqqanut akisussaaqataaneq annertunerulersittaraa, Meeqqat Inuunerissut-ni siulittaasup tullia, Arnakkuluk Jo Kleist, oqarpoq.

Misissuinerup aamma takutippaa, meeqqamut ilaqutaannullu ikiorsiisinnaanerannut nalunaaruteqartarnerannullu pisortanit tatiginninneq annertoorujussuusoq, nalunaartussaatitaanermilli ilisimasaqarnerulernissaq erseqqissaanissarlu pisariaqartinneqarluni, Arnakkuluk Jo Kleist aamma oqarpoq.

- Pasitsaasasqartilluni ikiugassaqartilluguluunniit sumut saaffiginninnissamik ilisimasaqarnerulernissaq pisariaqartinneqarpoq, Innuttaasut peqqussusaannik misissuisarfimmeersoq, Cecilia Petrine Pedersen, misissuinermik aaqqissuisuusoq, oqarpoq.

Kalaallit Nunaanni, nunalilu allani, misissuinermik taamaattumik allamik soqanngilaq.