Meeqqanut inuusuttunullu suliniuteqartut Air Greenlandip tapiiffigai
Aningaasat timmisartuutileqatigiit suliniutaanut “Meeqqamiit meeqqamut” taasamit, upernaaq Air Greenlandip Atlantikoq qulaallugu timmisartuussinerini meeqqamut ataatsimut 130 kr.-nik ileqqaarnermit pisuupput.
-Suliffeqarfittut isumaginninnermut akisussaaqataarusuppugut, aningaasaliissuteqarnitsigullu Kalaallit Nunaanni meeqqanut inuusuttunullu suliniuteqarnermik ingerlatsisut suliaannik ataqqinninnerput takutikkusupparput timmisartitseqatigiiffiup nittartargaani taamatut allassimavoq. . Kajumissutsiminnik suliniuteqarnermik ingerlatsisut suleqatigiinnermikkut ingerlariaqqissinnaanermik takutitsisuupput, inuussutissarsiuteqarnermillu ingerlatsisuusugut tapersersorutsigit iluaqusiisinnaaqaagut, Michael Binzer oqarpoq.
Suliniaqatigiiffiit taperneqartut tassaapput Landsorganisationen Nanu, Meeqqat Inuunerissut/Bedre Børneliv (MI/BB), Red Barnet Grønland, Mælkebøtten, Foreningen Grønlandske Børn aamma Inuit Circumpolar Youth Council (ICYC).
