Meeqqanut inuusuttunullu politikki ujartorneqarpoq

Meeqqat inuusuttuaqqallu ineriartornerannut kommunit sullissinerat apeqqutaalluinnartartoq misissuinerup nutaap takutippaa, kommunellumi meeqqeriveqarnikkut, atuartitaanikkut sunngiffimmilu assigiinngilluinnartunik neqerooruteqartarput. Taamaattumik kommunit tamarmik meeqqanut inuusuttunullu politikkeqalernissaat piffissanngortoq, kommuneqarfiit kattuffianni siulittaasoq Siumumeersoq Lars Karl Jensen isumaqarpoq.

- Nalunaarutip inernera siulersuisuni oqaluuserinngikkaluarlugu takusinnaavara, meeqqat inuusuttullu assigiimmik ineriartortinneqassappata kommunit assigiinnerusumik periuseqarlutik aningaasalersuisariaqartut. KANUKOKA-p siulittaasua Lars Karl Jensen taama oqarpoq.

Ammassallip Kommuneani meeqqat taamaallaat sisamararterutaat meeqqerivinni inissaqartinneqartarput, kommuninili allani pingasoriaammik amerlanerusut inissaqartinneqartarlutik. Upernaviup Kommuneani ilinniartitsisup ilinniarsimasup ataatsip meeqqat 25-t akisussaaffigisarpai, kommunini allani affai inorlugit amerlassuseqartaraluartut.

Kangaatsiap Kommunea atuartumut ataatsimut aningaasartuuteqarnerpaasarpoq, Qaanaap Kommunealu sunngiffimmi sammisassaqartitsivinnut meeqqamut ataatsimut tapiissutikinnerpaasarluni. Misissuinerit inerneri ilaatigut taama ittut Meeqqat Inuusuttullu Pillugit Ilisimasaqarfiup naalisarlugu MIPI-p misissuivigeqqammerpai, erseqqissaavorlu, kommunit assigiinngitsunik atugassaqartitsinerat meeqqat inuusuttullu atugarisaannut, ineriartornerannut siunissamilu periarfissaannut sunniuteqarsinnaasartut, ilaatigullu nunani allani misissuinerit takutereeraat, meeraanermi paaqqutarineqarluarsimaneq siulinut naleqqiullugu atugarissaarnerunermik kinguneqartartoq.

- Sukkulluunnit aaqqitassanik aaqqiinngikkaangatta inuiaqatigiinnut akisoorujussuanngortarnera takornartaanngilaq, meeqqallumi inuusuttullu kissaatigaat, assigiinnerusumik periarfissaqartitaallutik najukkaminni peroriartornissartik. Taamaattumik suliniutit tikkuartuiffigineqarlutik ingerlaavarneri iluarisimaarlugit suleriaqqinnissatsinnut aallaavigissavakka. Lars Karl Jensen taama oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat