Assi: Jonas Løvschall-Wedel

Meeqqanut Immikkoortortaqarfik MIO-p akissarsiaritittagaanik tunineqartoq

Dronning Ingridip Napparsimmavissuani Meeqqanut Immikkoortortaq, Meeqqat Pisinnaatitaaffii pillugit Sullissiviup MIO-p akissarsiaritittagaanik ukioq manna tunineqarpoq.

Naalagaaffiit Peqatigiit Meeqqat pillugit Isumaqatigiissutaat novembarip ulluisa 20-anni ukiut tamaasa malunnartinneqartarpoq, Dronning Ingridillu Napparsimmavissuani Meeqqanut Immikkoortortaq MIO-mit ukioq manna akissarsitinneqarluni.

Inummut peqatiiiffimmulluunniit, meeqqanut immikkut suliniuteqarsimasumut MIO-mit ukiumoortumik akissarsisitsisoqartarpoq.

AAMMA ATUARUK Meeqqat pillugit Isumaqatigiissut nunatsinni suli eqquutsinneqanngilaq

Meeqqat Illersuisuata Aviâja Egede Lyngep, MIO-p akissarsiaritittagaa Dronning Ingridip Napparsimmavissuani Meeqqanut Immikkoortortami peqqissaasumut Anne Birgitte Jensenimut ualeq manna nalunaaqutaq marlunut tunniuppaa:

- MIO-p akissarsiaritittagaa meeqqat pisinnaatitaaffii pillugit sulinermut pitsaasumut nersortariaqartumullu nersorinninneruvoq. Sulinermi atugassarititaasut artornaraluartut, Meeqqanut Immikkoortortap pimoorussineq nutaamik eqqarsarsinnaaneq takutippai, Aviâja Egede Lynge oqarpoq, nangillunilu:

AAMMA ATUARUK Dronning Ingridip Napparsimmavissua nakorsartaaqqippoq

- Pingaartumik Meeqqanut Immikkoortortap meeqqanik tamavimmik inuunermi pitsaanerpaamik aallartitsinissaannik ukkatarinninnermini. Ulluinnarni atorfissi meeqqap inuunermut pisinnaatitaaffianik, ineriartornissamut, illersorneqarnissamut aamma ikiorneqarnissamut pisinnaatitaaffiinik suliaqarneruvoq. Sulinersi kikkunnut tamanut siunissami pitsaanerusumik atugaqalernissamut neriuuteqalersitsivoq, Meeqqat Illersuisuat oqarpoq.

MIO-p akissarsiaritittagaa, Dronning Ingridip Napparsimmavissuani Meeqqanut Immikkoortortami sulisut aqutsisullu, Peqqissutsimullu naalakkersuisup Martha Abelsenip peqataaffigisaanni ullumi tunniunneqarpoq.

AAMMA ATUARUK Dronning Ingridip Peqqissaavissua facebookimi quppernertaartussanngortoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat