Dr. Ingrids Hospital Meeqqanut Immikkoortortaq nutaaq meeqqanut ilaqutaanullu iluaqutaassaaq

Dronning Ingridip Napparsimmavissuani Meeqqanut Immikkoortortami peqqissaasuuneq Anne Birgitte Jensen, Meeqqanut Immikkoortortaq sinnerlugu nersornaammik tigusisuuvoq.

Dronning Ingridip Napparsimmavissuani Meeqqamit Immikkoortortamik pilersitsivittoqarnissaanut pilersaarusiortoqartoq, tamannalu sulissutigineqarnera pissutaalluni nersornaasiisoqartoq taassuma oqaatigaa.

Meeqqammi napparsimmavimmut unitsinneqartarneranni sullissineq siunissami pitsaanerulersinnaasoq neriuutaavoq:

- Meeqqanut uninngatinneqartunut sunniuteqangaatsiartussaassaaq. Meerarmi uninngasoq ilaquttani ilagalugit inimi ataatsimi unitsinneqarsinnaalissaaq. Ilaqutariit marluk inimi ataatsimi ullumi inissaqartinneqartarput, inillu taassuma saniatigut mikisuullutik. Meeqqanullu Immikkoortortaqalivippat pissutsit pitsaanerulissapput. Nammineq inerisamik peqalernerup saniatigut aamma isersimaartarfittaassapput, meeqqallu pinnguarsinnaalissallutik, peqqissaasuuneq Anne Birgitte Jensen oqarpoq.

Dronning Ingridip Napparsimmavissuani Meeqqanut Immikkoortortap pisortatigoortumik aappaagu 2019-imi ukiakkut ammarneqarnissaa naatsorsuutigineqarpoq.

Inummut peqatiiiffimmulluunniit, meeqqanut immikkut suliniuteqarsimasumut MIO-mit ukiumoortumik akissarsisitsisoqartarpoq.