Meeqqanut illersuisup inatsit nutaa iluarisimaaraa

Naalakkersuisut meeqqat ikorfartorneqarnissaannut inatsissatut siunnersuutaat Inatsisartut ullumi marlunngornermi akuersissutigaat. 

Taamaaliornerlu Naalagaaffiit Peqatigiit meeqqat pillugit isumaqatigiissutaata nunatsinni malinneqalernissaanut pingaaruteqartoq, Meeqqat Illersuisuat isumaqarpoq.

Meeqqat ikorfartorneqarnissaannut inatsit, ilaatigut siusinnerusumik iliuuseqartarnissamik meeqqallu atugarliortut pillugit nalunaarutigissutinut sukkanerusumik qisuariartarnissamilk imalik, meeqqat pisinnaatitaaffiinik pitsaanerulersitsissaaq.

AAMMA ATUARUK Meeqqanut inatsit iluaqutaassaaq aningaasartornarnerussallunili

Inatsit meeqqanut suliaqartut, soorlu ilaqutarsiat nakkutigineqarnerunissaannik aamma imaqarpoq.

Tamannalu Meeqqat Illersuisuata nuannaarutigaa.

Akisussaaffimmik tigusisariaqavittugut iliuuseqarnissamullu pisussaasugut, inatsimmik atuutsitsilernitsigut ersertitsisugut, Meeqqat Illersuisuata tusagassiuutinut nalunaarummi allaaseraa.

Imaanngilarli nutaamik inatsiseqalernikkut, kommunit isumaginninnermi suliaat pitsaanerulerulisasut.

AAMMA ATUARUK Meeqqat pillugit inatsisitaassaq oqilisaataassaaq

Ilaqutariinnermut peqqissutsimullu ataatsimiititaliap inatsisissatut siunnersuutip pingajussaaneerneqannginnerani suliaraat, kommunillu inatsisinik malinninnissaq unammillernartittareermassuk inatsimmut nutaamut malinnissinnaanissaat qularaat, soorluttaaq aamma  Meeqqat Illersuisuat qulartoq.

- Meeqqat Illersuisuata ernummatigaa, kommunit piumasaqaatit ilumut piviusunngortissinnaaneraat, maannakkut periarfissaqarnertik, sumiiffimmiinnerup unammillernartui kiisalu kommunit angissusaat eqqarsaatigalugit, Meeqqat Illersuisuat allappoq.

AAMMA ATUARUK Meeqqat pillugit inatsisitaassaq nuannaarutigalugulu ernumanartoqartikkaa

Meeqqat ikorfartorneqarnissaannut inatsimmut 2020-p tungaanut 93 millionit koruunit aningaasartuutaanissaat missingiunneqarpoq. 

Aningaasat taakkua immikkoortinneqarput, kommunit Namminersorlutillu Oqartussat suliassat nutaat naammassisinnaaniassammatigit. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat