Meeqqanut filmiliat nutaat nunatsinnut

Filmit meeqqanoortut 160-it, ukioq manna filiminik takutitseqattaarnermi Busterimi takutinneqartussatut neeroorutigineqassapput. Ukioq manna aammattaaq taamatut periuseqarluni takutitseqattaarneq Kalaallit Nunaannut angallanneqassaaq.
Allattoq Gedion Storch
septembarip 14-at 2011 10:50

Takutitseqattaareernerup kingorna filmit Nuummut, Sisimiunut  Ilulissanullu ingerlatinneqassapput, tamanna novembarimi pissalluni.

Kalaallit Nunaanni takutinneqartussat tassaassapput, hollandimiut meeqqanut filmiliaat "Familien Tyksen", taavalu svenskit inuusuttunut filmiliaat "I Miss You". Tamatuma saniatigut filmit naatsut, Nunanit Avannarlerneersut, aamma nukarlerpaanut Børnebiffen-imi naatsuliat arlallit takuteqattaarneqassapput. Filmit qallunaatut kalaallisullu allagartalersugaassapput.

Tassa meeqqanut filminik takutitseqattaarneq, Buster Børnefilmsfestival, aamma Kalaallit Nunaannut annguttussaq, ukiut pingajussaat tulleriissiinnarlugu ingerlanneqassaaq. Takutitseqattaarnerit Nuummiunuinnaq siornatigut alutorsaataasarsimagaluarput. Takutitseqattaartarnerit Danmarkimi 30.000-it sinneqartunit isiginnaariarneqartarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq