Meeqqanut ballonnginik ullumi agguaassisoqassaaq
Naalagaaffiit Peqatigiit ukiut 20-t matuma siornagut, novembarip ulluisa 20-anni ataatsimeersuarnerminni meeqqat pisinnaatitaaffii pillugit nunat tamalaat isumaqatigiissutaat akuersissutigaat. Ukiut pingasut qaangiummata, nunat tamalaat isumaqatigiissutaat taanna marsip 26-ianni 1992-imi, Ãlannguffigineqarnissaa Nunatsinni Inatsisartut akuersissutigaat.
Nunatsinni Naalakkersuisut ullormik malunnartitsinermut peqataaniarlutik nalunaarput, tassami Meeqqat pillugit Isumaqatigiissutip Nunatsinni nunarsuarmilu tamarmi meeqqat pisinnaatitaaffiisa suliniutigineqarnerannut atugarissaarnerunissaannullu iliuuseqarnissanut sakkussaammata pingaarutillit.
Ulloq malunnartinniarlugu meeqqat atuarfiini paaqqinnittarfinnilu ballonginik aamma quppersakkamik taaguutilimmik "Kalaalllit Nunaanni meeqqat pisinnaatitaaffii" agguaasoqassaaq.