Meeqqanut atuakkiaq ukiut 65-it qaangiuttullu saqqummerpoq
Atuakkamik allattoq Lise Barfoed ukiormanna 100-inik ukioqalertussaangaluarpoq. Taassuma paniata Åse Lønborg Friisip Hjørringimi najugaqartup anaanami toqunnginnnerani neriorsuutigisani piviusunngortippaa, tassalu atukkiaata saqqummersinneqarnissaanik neriorsorsimagamiuk, aviisi Nordjyske.dk taamatut allaaserisaqarpoq.
Åse Lønborg Friisip angajoqqaavisa Kalaallit Nunaanni najugaqarnerisa nalaani atuagaq allanneqarpoq.
Åse-p angajoqqaavi, katinnermi kinguninngua Kalaallit Nunaannut aallarput misigisisassarsiorniarlutik. Åsep ataataa Qeqertarsuarmi kajungerisartut misissuisarfianni sulivoq.
Lisep uiata Qeqertarsuarmi sulinerata nalaani sorsunnersuup aappaa aallartippoq, sorsunnersuarlu soraarmat aatsaat Danmarkimut uterlutik.
Aappariit Qeqertarsuarmiinnerminni sisamanik meertartaarput, atuagarlu taaguuteqartoq "Lang borte" ungasissorsuarmi inuuneq, aappariit qitornaanut allataavoq.
Lise allakkumatuujuvoq qalipaasarluni titartaasarlunilu, Åse Lønberg Friis oqaluttuarpoq. Titartakkat qilapakkallu atuakkami assiliartaliunneqarput.
Kalaallit Nunaanni qanga pisimasoq atuakkami allaaserineqarpoq, amerlasuunillu atuarneqarnissaa tulluarpoq Hjørring-imi atuakkanik atorniartarfimmi sulisuusimasoq Carsten Winther atuakkap saqqummersinneqarnissaanut suleqataasimasoq oqarpoq.