Meeqqanut atornerluisartut akiorniarlugit Paavi siunnersuisartunik aallartitsivoq
Katuullit oqaluffiini meeqqanik atornerluisarneq suli ajornartorsiutigineqarpoq. Taamaammat siunnersuisartunik pilersitsisoqassasoq Pave Fransip aalajangiuppaa.
Allattoq Ane-Marie Petersen, Anton Gundersen Lihn
Ilisimatuunik siunnersuisartunik 16-inik ilaasortaaffigineqartumik Pave aallartitsivoq. Taakku meeqqat atornerluisartunut qanoq illersorneqarsinnaanersut oqaluffinnut siunnersuisassapput.
Siunnersuisartunngortut meeqqanut illersuinermut immikkut ilisimasaliupput meeraallutillu ilaat atornerlugaanikuullutik.
Katuullit oqaluffiini meeqqanik atornerluisoqartarnera 2014-imi paasineqarmat suliniut siullermeerluni aallartinneqarpoq. Tassanilu siunnersuisartuusimasut arfineq-marluk maanna siunnersuisartuni aamma ilaassasut pavip aalajangiuppaa.