Meeqqanik sumiginnakkanik sullissineq pitsanngorsarneqassaaq

Sinerissami meeqqanik sumiginnaasarnerup piffissami kingullermi oqallisaalernera naalakkersuisunut aamma annguppoq.

Naalakkersuisut aappagu aningaasanut inatsississaq maanna suliarileruttorpaat, Ilaqutariinnermullu naalakkersuisoq Tommy Marø meeqqat sumiginnakkat pillugit sullissinerup pitsanngorsaaffigineqarnissaanut atugassanik aappaagu aningaasanut inatsisissamit illuartitsisoqarnissaanik neriorsuuteqarpoq.

Ilaqutariinnermut naalakkersuisup meeqqat inuusuttullu pillugit ilisimasaqarfiup MIPI-p nukittorsarneqarnissaa maanna sulissutigaa, tassani sulisup ataatsip ataatsimik allamik ilaneqarnissaa qinnuteqaatigalugu.

Qinnuteqarnermut tunngavik Tommy Marøp ima nassuiaateqarfigaa:

-MIPI-mi sulisoq ataasiuvoq piffissami sivikitsumi ikiorteqartarluni. Suliassarpassuaqarpoq nunatsinni meeqqat inuusuttuaqqallu atugarisaat pillugit paasissutsissanik katersinermi. Sulisoq sulingaarami ukioq kingulleq feeriarnissaminulluunniit periarfissaqarsimanngilaq, tamaattumik aapperneqarnissaa pisusissamisoorsisorivarput, Tommy Marø oqarpoq, neriuutiginerarpaalu Inatsisut ukiaru ataatsimiilerunik qinnuteqaat akuersaarluarumaaraat.

Mipimi sulisooreersup ataatsimik ilaneqarnissaanut aningaasat 640.000 koruunit missaat qinnuteqatigineqarput. Atorfinitsitsinissap saniatigut aningaasat meeqqanik sumiginnakkanik sullissinermut atatillugu sinerissami angalasarnissanut atorneqassallutik.

Ilaqutariinnermut naalakkersuisup MIPI-mut atatillugu qinnuteqaatip saniatigut suleqatigiissitaq suligasuartussaq, Ilaqutariinnermut Peqqissumullu pisortaqarfinneersunik, Kanukokamit, PIP-millu inuttalerneqartoq pilersippaa. Suleqatigiissitaq Inatsisartut ukiaru ataatsimiinnissaannut naalakkersuisut qaqitassaannik sap. ak. tulliuttuni arfinilinni siunnersuusiussasoq Tommy Marø oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat