Meeqqanik sumiginnaasarneq pillugu inuiaqatigiinnut aappaagumit qaammarsaanissaq inatsisartut amerlanerussuteqarluartut akuersaarpaat. Paasisitsiniaanermi naammasseqqammersumi Tulukkami periuseq assilillugu paasititsiniaasoqassasoq tamanit aamma isumaqatigiissutigineqarpoq.
Ataqatigiissaarisumik atorfinitsitsinikkut
qaammarsaanissaq ukioq-manna piareersarlugu aallarnerneqassaaq, siunnersuuteqartorlu Agathe Fontain IA-mmersoq neriuppoq, kikkut tamarmik peqataaffigisaannik qaammarsaasoqassasoq.
- Tusagassiorfiit tamarmik atuagassiallu aqqutigalugit, minnerunngitsumillu angerlasimaffinni oqaluuserineqassasoq takorloorpara. Agathe Fontain oqarpoq.
Qaammarsaanissaq akissaqartilluarumallugu naalakkersuisut aningaasanut aappagumut inatsisissamut ukiaru siunnersuuteqassapput.