Meeqqanut isummersorfiup Nakuusap, Meeqqat Illersuisuata MIO-meersup nunatsinnilu politiit kinguaassiutitigut atornerlugaasoqartarnerata nipangiusimaneqarunnaarnissaa meeqqallu kinguaassiutitigut atornerlunneqarsimasut oqartussaasunut nalunaarutiginnittartut amerlinissaat ukiuni kingullerni anguniarpaat, tamannalu nalunaarutiginninnerit amerlinerannut nassuiaataasinnaavoq.Assi: Ritzau Scanpix

Meeqqanik kinguaassiutaatigut atornerluinermik nalunaarutiginninnerit amerleriartut

Nalunaarutiginninnerit amerleriarsimagaangata imaanngilaq atornerluinerit amerleriarsimasut. Maanna nalunaarutiginnittartut siornatigornit amerlanerusut, politiit Meeqqallu Illersuisuat isumaqarput.

Meeqqanut 15-iliisimanngitsunut kinguaassiutitigut atornerluinermik nalunaarutiginninnerit ukiuni pingatsertuni amerleriarput.

Politiit ukiumut nalunaarusiaanni kisitsisit taama ipput.

2017-ip 2019-illu akornanni nalunaarutiginninnerit 69 protentiniit 83 procentinngorsimammata qaffariaat 20 procentiuvoq.

Atornerluinerit amerleriarsimasariaqanngitsut 

Taakkualu meeqqanut kinguaassiutitigut atornerluinerit ukiuni 50-ini kingullerni ikiliartorsimasut nunatsinni innuttaasunik apersuinikkut misisssuinerit kingulliit takutitaannit allaanerulluinnarput.

Taamaattumik atornerluinermik politiinut nalunaarutiginninnerit amerleriarsimagaangata imaanngilaq atornerluinerit amerleriarsimasut.

- Isumaqaruma kinguaassiutitigut atornerluinerit amerleriarsimasutut isikkoqartut, nunatsinni innuttaasunik apersuinikkut misissuinernit kisitsisit saqqummiussat allanngorpiarsimassanngikkaluarput qaffariaateqarsimassagaluarlutilluunniit, kisianni taamaanngillat, nunatsinni politimesteri Bjørn Tegner Bay oqarpoq.

Atornerluinerillu nalunaarutigineqarsimanngitsut aamma amerlaqisut, isumaginninnermut naalakkersuisoqarfiup meeqqallu illersuisuata MIO-meersup misissuisitsineranni paasisat takutippaat.

Tassa meeqqanut kinguaassiutitigut atornerluinerit oqartussaasunut nalunaarutigineqanngisaannarsimasut amerlapput.

AAMMA ATUARUK MIO: Inunni kikkuugaluartuni kinguaassiutitigut naapertuilluanngitsuliortoqartarpoq

Meeqqanut isummersorfiup Nakuusap, Meeqqat Illersuisuata MIO-meersup nunatsinnilu politiit kinguaassiutitigut atornerlugaasoqartarnerata nipangiusimaneqarunnaarnissaa meeqqallu kinguaassiutitigut atornerlunneqarsimasut oqartussaasunut nalunaarutiginnittartut amerlinissaat ukiuni kingullerni anguniarpaat, tamannalu nalunaarutiginninnerit amerlinerannut nassuiaataasinnaavoq.

- Tamanna tunngavigalugu isumaqarpunga atornerluinermik politiinut nalunnaarutiginninnerit amerlisimasut, nalunaarutigineqanngitsullu ikilisimasut, ilumulli taamaattoqarnersoq tamakkiisumik qulakkeerumallugu ilisimatusarfigeqqissaarneqartariaqartoq miserratiginngilara, nunatsinnili atornerluinerit amerleriarsimasinnaanerannut sumilluunniit takussutissaqanngilaq, politimesteri Bjørn Tegner Bay oqarpoq.

Nalunaarutigineqanngitsut ikiliartortut, nunatsinni politiit isumaqarput, Meeqqallu Illersuisuat tamatumunnga isumaqataavoq.

- MIO-p nunatsinni inuiaqatigiit paquminartut pillugit nipangiusimajunnaariartornerat pillugu ilisimasai naapertorlugit isumaqarpunga nalunaarutiginninnerit amerlinerat pissutsit pitsanngoriarnerannik ersersitsisut, Meeqqat Illersuisuat Aviâja Egede Lynge oqarpoq.

Kinguaassiutitigut atornerluinermik nalunaarutiginninnerit 225-usut

Taakkunannga 83-it meeqqamik 15-iliisimanngitsumik kinguaassiutitigut atoqateqarsimanermut tunngapput, meeqqanulli kinguaassiutitigut atornerluinerit amerlaneroqaat.

Meeqqamik pinngitsaaliinermik nalunaarutiginninnerit amerlassusaat immikkut taaneqaratik kisitsisinut ilaaginnartarsimapput, amerlassusaalli politiinit perngaammik immikkut saqqummiunneqarlutik.

Kisitsisit saqqummiussaat naapertorlugit meeqqat 50-it kinguaassiutitigut atornerlunneqarsimanerminnik nalunaarutiginnissimapput, kannguttaatsuliorfigtinnermillu nalunaarutiginninnerit 92-iullutik.

Meeqqamik kinguaassiutitigut atornerluinermik siorna nalunaarutiginninnerit katillugit 225-upput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat