Meeqqanik atornerluisartoq Nunatta eqqartuussivianit pineqaatissinneqarpoq

Apriilip qaammataani Narsap eqqartuussiviani angut 52-nik ukiulik meeqqanik atornerluisimasutut Herstedvedsterimut killiligaanngitsumik inissinneqarnissaanik pineqaatissinneqartoq, suliamik Nunatta eqqartuussivianut ingerlatitseqqinnerata suliarineqarnera ullumi naammassineqarpoq.

Angutip eqqartuunneqartup pineqaatissinneqarnera allannguuteqarpoq, tassa Hertsedvesterimut inissinnagu, nunatsinni anstaltit arlaannut killiligaanngitsumik inissinneqartussanngorlugu pineqaatissinneqarmat.

Angut 52-nik ukioqartoq nukappiaqqanik 15-it inorlugit ukulinnut piffissami sivisuumik nukappiaqqanik 17-nik, atornerluisimasutut kaannguttaalliortarsimasutut, apriilip qaammataani pineqaatissinneqaraluartoq, Nunatta eqqartuussiviata eqqartuussinerani, nukappiaqqanik aqqanilinnik atornerluisimasutut 52-nik ukiulik pineqaatissinneqartoq, Nunatta eqqartuussiviani eqqartuussisoq Søren Søndergård Hansen oqarpoq.

Herstedvesterimut pisinnagu nunatsinni anstaltit arlaannut inissinneqarnera Søren Søndergård Hansen-mit patsisilersorneqarmat, oqaatigineqarpoq angut 52-nik ukiulik siornatigut assingusumik pineqaatissinneqarsimanermini anstaltimiissimanermini, nukappiaqqanik atornerluisarsimanngimmat, nunatsinni anstaltimiinnissaa Nunatta eqqartuussivianit aalajangerneqarsimasoq.