Meeqqanik atornerluisarneq akerlilersorpaat

Meeqqanik kinguaassiutitigut atornerluisarneq unitsinniarlugu suliniarnermut, meeqqat namminneerlutik ilanngupput. Qeqertarsuatsiaani meeqqat atuartullu katillutik 46-it atornerluisarnermut akerliussutsiminnik takutitsillutik allagartarsualisaarlutillu nunaqarfimmi ullumi angalaaqatigiipput. Angalaaqataasut ilaata 4.klassemi atuartup, qulingiluanik ukiullip, Nukartaa Noahsen Møllerip allagartarsuarmi allatanik atuffappaatigut:

-Kinguaassiutitigut atornerlunneqarnissamut illersorneqassapput.

-Timit allap atornerluppagu ikiortissarsiussaatit.

-Uangaana timera attornagu.

-Meeqqanik atornerluineq unitsilli.

Angalaaqatigiinnermi pisut allat ilinniartitsisuata Qeqertarsuatsiaanilu atuarfiup pisortaata Ingrid M. Nathanielsenip ima nassuiarpai:

- Paarisamit neqeroorut; meeqqanik kinguaassiutitigut atornerluisarnerup unitsinneqarnissaa pillugu eqqartuinissaq, taanna meeqqanut ulluni marlunni sammitipparput. Ulluni marlunni allagartarsualiorput ullumikkullu angalaaqatigiillutik. Aamma postkortinik agguaapput angajoqqaanullu allagaqarluata meeqqat pisinnaatitaaffii pillugit isumaqatigiissutinik imaqartunik.

Meeqqat allagartarsualiaat Qeqertarsuatsiaani katersortarfiup silataani massakkut takuniarneqarsinnaapput.