Meeqqanik atoqateqarniartartorpassuit Europol suleqatigalugu paasineqarput

Meeqqanik nunarsuaq tamakkerlugu atoqateqarniartartorpassuit, nunanit assigiinngitsunit 25-neersut, Europami Politiinit Suleqatigiinnit – Europolimik naalisarneqartartunit – ullumi paasineqarput. Inuit 2.500-t meeqqanik atoqateqarniartartutut peqataasarsimasut paasisaapput.
novembarip 05-at 2007 14:48

Danskit qulit allallu hornorujut nunanit allaneersut meeqqanik atoqateqarniartartutut paasisaallutik tigusaapput. Meeqqanik atoqateqarniartartut taakku Ukrainimiit aqunneqarsimapput, angutip italiamiup meeqqat ukrainimiut 21-t, qulingiluat 16-illu akornanni ukiullit, atoqatigisarsimavai, atoqatiginerallu filmiliarisimallugu.

Qarasaasiakkut attaveqaaterujussuaq taanna taaguuserneqarpoq "Koala", Attaveqaassuarmillu taamaattumik peqarneranik eqqueriarneq kalerriinerlu siulleq Australiamiit pisimavoq. Belgiamiu niviarsiaraq angutaata kinguaassiuutitigut atornerluutigalugu filmiliarisimavaa, Australiamilu politiit filmi taanna 2006-imi arsaarinnissutigaat.

Kinguaassiuutikkut atornerluinermik aatsaat taama annertutigisumik Europol aqqutigalugu suliaqartoqarpoq, suliarlu suli naammasseqajanngitsoq, misissuinermi pisortaq, Nicola Potro, ilisimatitsivoq.

Nicola Potro nutaarsiassaqartitsivimmut ilisimatitsivoq, inuit tigusarineqartut assigiinngitsorujussuusut, atorfigissaartut, ilinniagartuut, ilaalu ilanngullugit.

-Nalunnermut ilitsersuisut ilinniartitsisullu tigusaasunut ilaapput, Nicola Proto oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq