Meeqqaminik atornerluisoq eqqartuunneqartoq

Nuup eqqartuussiviani angut 32nik ukiulik arfineq marloriarluni sakkortuunik pinerluuteqarsimasutut ullumi eqqartuunneqarpoq, piffissamilu  aalajangersimanngitsumi katsorsagassanngortinneqarluni.

Angut tunumeersoq meeqqaminik, 15-it inorlugit ukiulinnik nukappiaqqamik niviarsiaqqamillu, atoqateqartarsimasutut eqqartuunneqarpoq.

Kinguaassiutitigut atornerluisarsimanermi saniatigut annersaasimasutut, aalakoorluni biilersimasutut ikiaroornartullu pillugit inatsimmik unioqqutitsisimasutut eqqartuunneqarpoq. 32nik ukiulik Århusimi tarnimikkut napparsimasut inissinneqartarfiannut inissinneqartussanngorlugu eqqartuunneqarpoq, tassanilu imigassamik ikiaroornartumillu atornerluisarnerminik katsorsagaassalluni.

Angutip eqqartuunneqarnini Landsretimut ingerlateqqitassanngortippaa, tassanilu eqqartuunneqarnissami tungaanut tigummigallagaassasoq Nuummi eqqartuussisoq Mille Søvndahl Pedersen ilisimatitsovoq.