Meeqqamik atoqateqartutut pinngitsuutitaavoq
oktobarip 12-at 2004 21:29
Nunatta eqqartuussiviata angut 45-nik ukiulik meeqqamik, ilaquttaminullu qanigilluinnakkaminut atoqateqarsimasutut unnerluunneqartoq pingitsuutippaa.
Angut 45-nik ukiulik Nuup eqqartuussiviata aasaq eqqartuuppaa pisuutillugulu, pinerluttaalisitsinermut inatsit malillugu, ukiorlu ataaseq isertitsivimmiittussanngorlugu pineqaatissinneqarluni.
Angutip pineqatissinneqarnini nunatta eqqartuussivianut ingerlateqqippaa, maannalu pingitsuutinneqarpoq, uppernarsaatissaqanngimmat.
Angulli 45-nik ukiulik aalakoorluni biilersimasutut, hashiuteqarsimasutullu pisuutinneqarmat 35.000 koruuninik akiligassinneqartoq nunatta eqqartuussivia ilisimatitsivoq.
