Lars-Emil isumalioqatigiissitami siulittaasunngortoq
Inatsisartut siulittaasuat Lars-Emil Johansen, inatsisit tunngaviusut pillugit isumalioqatigiissitami siulittaasussatut Siumup inassutiginiarpaa. Atuagagdliutini ullumi saqqummersinneqartuni tamanna allaaserineqarpoq.
Lars-Emil Johansen
Allattoq Karsten Sommer
februaarip 08-at 2017 09:51
Nutserisoq Mads Lynge
Lars-Emil Johansenip Vivian Motzfeldtillu partii sinnerlugu isumalioqatigiissitami ilaasortaalernissaat Siumup inassutiginiarpaa.
Kina isumalioqatigiissitami siulittaasussatut inassutigineqassanersoq Siumumi ataatsimiittoqarnerani taasissutigineqartoq, Atuagagdliutit paasisaasa takutippaat, Lars-Emil Johansenilu amerlanerusussuteqarluni siulittaasussatut inassutigineqartussanngorpoq.
- Politikkimi nutaraagama, taamaattumik politikerip misilittagartuup Lars-Emil Johansenip siulittaasunngortussaanera ataqqilluinnarpara, Vivian Motzfeldt AG-mut oqarpoq.
