McCain Floridami ajugaavoq
USA-mi præsidentissarsionissamut qinerseqattaarnerni naalagaaffeeqqami Floridami ippassaq qinersisoqarpoq. Siornatigut sakkutuujusimasoq, Republikanerineersoq John McCain, Republikanerini ajugaasuuvoq.
Allattoq Mads Lynge
McCain 36 procentinit taaguunneqarluni unammillertiginertaa Mitt Romney 31 procentinit taaguunneqarpoq.
New Yorkimi borgmesteriusimasoq Rudy Giuliani Floridami qinersinissamut piareersangaatsiareeraluarlunilu qineqqusaangaatsiareeraluarlunilu ajorsartutut nalilerneqarsinnaavoq. Taassuma maanna præsidentinngorniarunnaaginnarnissaa ilimagineqarpoq, John McCainimillu tamakkiisumik tapersersuilernissaa aamma ilmagineqarluni.
Demokratini Hillary Clinton ajugaangaatsiarpoq, ajugaanerali takussutissaannartut atorneqarsinnaalluni.
USA-mi præsidentissap tullia novembarip qaammataani qinerneqarumaarpoq.