Assi: Number 10/Flickr Creative Commons

Mayip naalakkersuisuilu tatiginnikkunnaarnermik taasineq anigorpaat

Theresa Mayip naalakkersuisuinut tatiginnikkunnaarneq pillugu tuluit inatsisartuini ullumi taasisoqarmat, May naalakkersuisuilu konservatiiviusut aniguipput. 325-t tatiginnipput, 306-illu illuatungiliillutik.

Theresa Mayip tuluit EU-mi ilaasortaajunnaarnissaannut EU-mik isumaqatigiissusiaa tuluit inatsisartuini ippassaq taasissutigineqarmat May ajorsarujussuarpoq.

AAMMA ATUARUK Mayip EU-mut ilaasortaajunnaarnissaq pillugu isumaqatigiissusiaa itigartitsissutigineqarpoq

Tuluit Nunaat tamanna pillugu isumaqatigiissusioqqaarani EU-mi ukioq manna marsip ulluisa 29-anni ilaasortaajunnaaratarsinnaassaaq.

Theresa Mayimut tatiginnikkunnaarnermik inatsisartuni taasisitsisoqarnissaa, illuatungiliuttut Labourimeersut siuttuata Jeremy Corbynip tamanna pillugu siunniuppaa.

Mayili aniguivoq, ministeriunertullu ingerlaannarsinnaanngorluni.

AAMMA ATUARUK Theresa Mayip tatiginnikkunnaarnermik taasititsivigineqarnini anigoraa

Tuluit EU-mi ilaasortaajunnaarnissaat pillugu suliani taamaasilluni aamma nangissinnaanngorpaa:

- Underhusimi amerlanerussuteqartut uannut tatiginnimmata nuannaarutigaara, ministeriuneq, taasisitsereernerup kingorna oqarpoq.

- EU-mi ilaasortaajunnaarnissaq pillugu pisussaaffilerneqarneq avissaartuutsitsivoq, May ilaatigut aamma oqarpoq.

Tuluit Eu-mi ilaasortaajunnaarnissaat pillugu isumaqatigiinniutigisassatut siunnersuut nutaaq pillugu partiit illuatungiliuttut siuttuisa aamma ataatsimeeqatiserai.

Tuluit EU-mi ilaasortaajunnaarnissaannut Mayip EU-mik isumaqatigiissutaa ippassaq taasissuigineqarmat 432-t itigartitsipput, 202-llu akuersillutik.

/ritzau/Reuters

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat