Tuluit politikeriisa Brexitimut isumaqatigiissut marlunngorpat taasissutigissagaat

Tuluit inatsisartuisa EU-mit aninissamut isumaqatigiissut marlunngornermi taasissutigissavaat. DR.dk taama allaaserisaqarpoq. 

Tuluit Nunaata EU-mit aninissaa pillugu politikerit marlunngornermi taasissutigilerpassuk akuerseqataannginnissaat politikkikkut naliliisartut naatsorsuutigaat.

Tuluillu inatsisartunut ilaasortat EU-mit aninissaq akuersaassappassuk, Tuluit Nunaata ukiormanna marsip 29-ani ilaasortaajunnaarnissaa qularutissanngilaq.

EU-miillu aninissaq naaggaarneqassappat qanoq pisoqarnissaa nalorlinartoqarsinnaasoq, politikkikkut naliliisartut nalilerpaat.

AAMMA ATUARUK Theresa Mayip tatiginnikkunnaarnermik taasititsivigineqarnini anigoraa

Tuluit Nunaata EU-mit aninera nunatta Tuluit Nunaannut niuernikkut isumaqatigiissutaanut kinguneqassaaq, piffissaatillugulugu nutaanik piaarnerpaanik isumaqatigiissuteqartoqanngippat tamanna nunatsinnut akisoorujussuusinnaavoq.

Tuluit ilaasortaajunaarnerisa kingunerisaanik EU-mi nunat Tuluit Nunaannut ammasunik killeqarfeqarunnaassapput Kalaallit Nunaatalu killeqanngitsumik niuersinnaanermut kiffartuussisinnaanernullu pisinnaatitaaffiinut, nunatta 2017-imi  680 millionit koruuninik isertitsissutigisaanut, tamanna annikilliissaaq.