Mayday: Politiit ujaasinertik unitsikkaat

Politiit angummik, 68-inik ukiulimmik Nuummeersumik, mayday-imik Aasiaat Radioatigut marlunngornermi nalunaaruteqartumik ujaasinertik taamaatippaat.
Issittumi Sakkutooqarfiup alapernaarsuutaa, Lauge Koch Nuup Kangerluanut mayday-imik nalunaaruteqarfimmut ujaasiartoraluarpoq. Assi © : Simon Uldum
Allattoq Christine Hyldal
maajip 07-at 2020 12:29
Nutserisoq Connie Fontain

Aasiaat Radioata VHF-ikkut kalerriisoqarnera pissutigalugu politiit marlunngornermi nalunaaqutaq 17.23 nalunaaruteqarfigineqarput. Nalunaaruteqarneq Nuup avannaata kangiani napparummi Qingaaq 16-imeersuuvoq.

Politiilli angutip sumiinneranut imaluunniit maqaasisaqartoqarneranut paasissutissaateqanngillat.

Taamaammat politiit Issittumilu Sakkutooqarfik umiarsuit alapernaarsuutit, politiit angallataat, qulimiguullit timmisartorlu atorlugit angummik ujaasipput. Inuinnaat Akiani aamma angummik ujaasipput - iluatsinngitsumilli.

AAMMA ATUARUK Maydayerluni kalerrisaarisumik ujaasineq: Umiatsiaaraq nassaarineqartoq

Ujaasineq maanna unitsinneqarpoq.

Kangiup avannaani Akiani umiatsiaaraq politiinit ippassaq arferngup eqqaani nassaarineqarpoq. Ujaasinerlu ilaqutariinnut Nuummeersunut atassuserneqarluni, tassa umiatsiaaraq ilaqutaasup, aallarsimasup angerlaqqissimanngitsullu pigigaa uppernarsarneqarpoq.

Pineqartoq tassaavoq angut, 68-inik ukiulik, Nuummeersoq. Ilaqutaasut kalerrinneqareerput.