Matu sulisussaaleqilluni matusariaqalersinnaavoq

Nukappiaqqat sakkortuumik pissusillit ulloq unnuarlu angerlarsimaffiat Matu sulisussarsinngikkuni matusariaqassaaq, naak annertuumik pisariaqartinneqaraluarluni.

Ilaqutariinnermut Naalakkersuisoq Aleqa Hammond oqarpoq sulisussanik pissarsiniarneq ajornakusoormat apriilimi nalileeqqittoqassasoq:

- Ingerlatiinnarnissaanut siunertaqarpugut aamma aningaasassaqartinneqarpoq. Ingerlaannarnisaanut piumassuseqartoqaraluartoq, ajoraluartumilli maannakkorpiaq sulisussaaleqineq ajornartorsiutaammat nalileeqinnissaq apriilimi pissaaq, Aleqa Hammond oqarpoq.

Maannakkorpiaq Matu-mi nukappiaqqat marluk najugaqarput sulisullu pingasut sulisorineqarlutik. Aleqa Hammond oqarpoq Matu apriilip tungaanut mannanumut ingerlanermisut ingerlaannarallassasoq, aammalu perorsaasunik ilinniarsimasunik sulisussarsioramik neriuuteqarnerarlutik ingerlaannarsinnaaaneranik.

- Immikkut aningaasarsiatigut tulluarsakkanik sulisussarsiorpugut, taamaattumik apriilimi aatsaat nukappiaqqat najugaqartut qanoq iliuuseqarfigineqarsinnaaneri erseqqinnerusumik paasinarsiumaatpoq, Aleqa Hammond oqarpoq.

Sulisussat nammattut, tassalu inuit qulingiluat pissarsiarineqarsinnaassanngippata Matu ullunerani ammasarsinnaanissaa siunniunneqarsinnaasoq, Aleqa Hammond nassiuaavoq.

Aleqa Hammond naggataatigut oqarpoq inissiisarfiit Matu-tut ittut inuiaqatigiinni pisariaqartinneqartut.