Mattak ukiunik tusintinik pisoqaassusilik
Mattak qanganisarujussuaq Alaskami St. Lawrence-p qeqertaani angummit tamaani najugalimmit nassaarineqarsimavoq.
Mattak kufferteeqqatut angitigisoq ukiut 1.000-it missaannik pisoqaassuseqassangatinneqarpoq.
Nassaaq taanna mamaakkunartinneqarsinnaassagaluarpoq, sikulli miiterinik marlunnik issutigisup ataanut toqqorneqarsimagami nutaanngilerujussuarsimanngilaq.
Mattak nassaarineqartoq inuiannut yupinnut tassaaginnanngilaq arferup mattaa qanganisaq. Uppernarsaataavorli inuiaat taakku ukiuni ikinnerpaamik tusintilinni arfanniarneq inuussutissarsiutigisimagaat, taamaalilluni kulturiannut ilaalluinnarluni. Piniartoq aviisimut Anchorage Daily Newsimut taama oqarpoq.
Inuiaqatigiinnut yupinnut Alaskami najugalinnut 1.000-it missaanniitunut arfanniarneq pingaarnertut inuussutissarsiutaavoq.
