Mattaangasut siallertitsiniaapput

Nepal-ip kitaatungaani siallilernissaa neriuutigalugu, arnat 50-it mattaangallutik nunaleripput.

Mattaangalluni nunalerineq aallartippoq, sivisuumik nuna panerluni, nunaatillit upperisaminnut, sialuup Guutianut sialleqqusillutik qinungaatsiareersullu. Mattaangallunilu nunalerisimaneq kinguneqarluarpoq.

- Sakkussatta kingullersarisimavaa, mattaangalluni nunalerineq, iluatsitsigattalu siallillatsiarpoq, mattaangalluni nunalereqataasoq nepalimi aviisimut oqaluttuarpoq.

Mattaangalluni nunalerisarneq, upperisani akuerisaasut akornanni innersuunneqarneq ajorpoq, nunaatillilli isumaqarput, mattaangalluni siallertitsiniaasarneq iluaqutaasartoq.

Juunip qaammataata aallartinneraniilli, Nepal-imi siallerpallaarsimanngimmat nunaatit panilersimapput.

Mattaangalluni qitittarnerup siallertitsisinnaanera nunatsinni uppernarpallaanngilaq. Maanimi nuummi akerlianik sialussiutilersorluta poortorluarsimasaraluartugut, sialliinnavittarmat. Naggasiuterput tamaanga killissinnarlugu, sapaammi unnussiorluarnissassinnik kissaappatsigit. Aqqagu ullaakkut arfineq-marlunut radioaviiseqaqqissaaq. Tassalu radioavisi.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat