Matoqqasumik isertitsivissaq kinguartikkallarneqarpoq

Naalakkersuisut tusagassiutinut taama nalunaaruteqarput.

Matoqqasumik isertitsivissap Nuup sorpiaaniinnissaa aalajangiiviginiarlugu Kommuneqarfik Sermersooq tusarniaasimavoq.

Inissiivissatut sumiiffimmik aalajangiinerup kingunerisaanik nunagissaanissamik pisariaqartitat siullermik naatsorsuutigisanit annertunerulerput:

- Naalakkersuisut ingerlaavartumik Danmarkimi pinerlussimasunik isumaginninnermut pisortaqarfik ilisimatittarsimavarput nunagissaanissamut tunngatillugu aningaasartuutaasussat matoqqasumik isertitsiviliornissamik pilersaarutinik kinguaattoortitseratarsinnaanerannik, Naalakkersuisut siulittaasuat Kuupik Kleist oqarpoq.

Tusagassiuutinut nalunaarummi erserpoq, matoqqasumik isertitsiviliornissaq

pilersaarutinut aningaasaliissutaasussat inissinniarneranni kinguarsinnaasoq.