Matoorussaaqqasut annaanneqarnissaat qanilliartorpoq
Qaarusummi sulisut nunap iluani 700 meterinik ititigisumi qaammatit marluk matuma siornatigut matoorussaapput.
Qaarusummi sulisut nunap iluanit qaqinneqarnissaat oktoberip qaamaataata naalernerani pinissaa Chilemi naalakkersuisunut ilaasortap Laurence Goldbornip nalunaarutigaa.
Qillerut qaarusummi sulisut inissisimaffiannut annguppat, nuna qillerneqartoq 70 centimeterinik neruttorneqassaaq, taamaalillutik qaarusummi sulisut saviminermik saanaajusumik ikillugit nunap qaavanut assartorneqassammata.
Qaarusummi sulisut matorussaaqasut 33-t taakkunannga 29-t ilaqutaasa aatsitassarsiorfik qaarusummi sulisut suliffigisaat taarsiiffigitinissamik piumasaqarfigaat. Ilaqutariit taakua 65 million koruuninik taarsiiffigitinnissaminik piumasaqarlutik eqqartuussisunut suliassanngortitsipput.
Aatsitassanik piiaaffiup San Estebanimit pigineqartup aningaasat nalinginik pigisai tamaasa Chilemi naalakkersuisunit atorneqarsinnaajunnaartinneqarput. aningaasat nalingi 53 millioner koruuninik amerlassuseqarput. Taakkualu annaassiniarnermut akilitigineqassasut, nutaarsiassaqartitsivik ritzau taamatut allaaserisaqarpoq.
