Master Fatman peqquserluttutut pasivaat
Taanna ukiuni arlalinngortuni Brasiliami meeqqerivinnut aningaasanik katersuiniartarsimavoq. Tamanna tusaannarlugu tapersersornaraluartoq, angutip taassuma katersani kaasarfimminut ikisarsimavai.
Meeqqeriviit katersuiniarnermini ikiorniagaasa aappaat piviusuunngilaq aappaalu qaammatit arlallit matuma siornagulli matuneqareersimalluni.
Aviisimi Ekstra Blademi allaaserineqarpoq, Master Fatmanip aningaasat katersani namminerminut atortarsimagai. Ilaatigut angalanernut niuerniarnernullu.
Allakkani Ekstra Bladep pissarsiarisimasaani, meeqqerivimmut matuneqareersumut pisortaasimasumut Master Fatman ima allappoq:
- Siullermik aningaasat nassiussassama kinguaattoornerat utoqqatsissutigissavara. Maani pissutsit pissusissamissut ingerlannginnamik. Aningaasarsiornikkut ajornartoorneq pissutigalugu aningaasaqarniarnera pitsaannginnami, aningaasat pissarsiareriarukkit nassiukkumaarpakka.
Master Fatmanip aningaasanik katersiniarnini ingerlaannartumik unitsissagaa, politiinit piumaffigineqarpoq pisorlu misissoqqissaarneqassalluni.
