Teknikimik Ilinniarfik Sisimiuniittoq maskinmesteritut ilinniarfiusinnaanngussaaq.Assi: KTI

Maskinmesteritut Sisimiuni aappaagu ilinniartoqarsinnaalissasoq

Maskinmesteritut ilinniarsinnaanermi nunatsinni siullersaat Teknikimik Ilinniarfimmi Sisimiuniittumi aappaagu jaunaarimi periarfissaalissaaq, ilinniarfiullu forstanderiata ilinniarnerup nunatsinnut pingaaruteqassusaa qularutiginngilaa.

Inuussutissarsiutit assigiinngitsut qiviarutsigit tamarmik ilinniaqqissimasunik amigaateqartorujussuupput.
Tamanna pillugu maskinmesteritut nunatsinni ilinniarsinnaanerup aappaagu 2022-mi januaarimi periarfissanngornissaa nunatsinnut pingaaruteqarpoq. Teknikimik Ilinniarfiup Sisimiuniittup forstanderia Jokum Møller taama oqarpoq:

- Taanna pissutigalugu avataaninngaanniit tikisitagut amerlasoorujussuusarput, taavalu aamma siunissarput eqqarsaatigalugu suli aningaasarsiornikkut immitsinnut napatinnerulissagutta aamma pisariaqarluinnarpoq ilinniarfiit soorlu uagut aamma ilinniaqqiffissanik periarfisssanut peqataanissamut, taamaattumik aamma pingaaruteqarpoq uuma aallartinnissaa, Kalaallit Nunaanni Teknikimik Ilinniarfiup forstanderia Jokum Møller taama oqarpoq.

Maskinmesteritut nunatsinni aappaagumit ilinniartoqalersinnaanera, Kalaallit Nunaanni Teknikimik Ilinniarfiup Maskinmesterskolen i Københavnillu suleqatigiinnerisigut piviusunngortussanngorpoq.

- Suliffissaqarsinnaassuseq pitsaalluinnassaaq

Ilinniartut nuuttaqattaanngikkaluarlutik ilinniarfimmit ilinniarfimmut, illoqarfimmiit illoqarfimmut, nunamiit nunamut allamut nuuttaqattaanngikkaluarlutik assersuutigalugu maskinmesteritut nunatsinni ilinniarsinnaanngornissaat Jokum Møllerip neriuutigaa, maskinmesteritummi ilinniarneq tamatigoortorujussuusoq taanna oqarpoq:

- Elinstallatørinngorsinnaavutit, imarsiorneq eqqarsatigalugu soorlu Royal Arctic Linekkut atorfissaqartitsisarput, kilisaatersortut annertuumik aamma atorfissaqartitsisarput, fabrikkit atorfissaqartitsisarput, Nukissiorfiit atorfissaqartitsisarput, suliffeqarfiillu assigiingitsut atorfissaqartitsisarlutik. Aamma misilittakkat takutippaat ukiuni kingullerni Danmarkimi aamma illunik titartaasarfiit taavalu aamma ingeniørit suliffeqarfiini aamma atorfissaqartinneqaraluttuinnartut tamatigoortuunera pissutaalluni, Kalaallit Nunaanni Teknimik Ilinniarfimmi forstanderi Jokum Møller taama oqarpoq.

AAMMA ATUARUK Illersornissaq pillugu isumaqatigiissut nutaaq: Nunarput nammineq illersornissamik ilinniarfeqalissasoq

Maskinmesteritut ilinniarnerup 2/3-iliata nunatsinni ilinniarneqarsinnaanissaa siunniunneqarpoq, maskinemsteritummi ilinniarnerup atortussatigut akisunera pissutaalluni ilinniarneq Danmarkimi aamma ingerlanneqartariaqassammat.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat