Mary tatiginarnerpaavoq!

Kunngissap nulia, Mary, Australiami inuit tatiginarnerpaat 100-t akornanni nr. 4-tut inissisimavoq. Australiami nutaarsiassaqartitsivik AAP taama allappoq.

Ilaat immaqa oqassagaluarput kunngissap nulia danskiusoq, taamaakkaluartorli inunngorfimmini politikerinit nuimasunit tatigineqarnerungaarpoq. Australiami atuagassiat ilaat, Readers Digest, (Daigjest) innuttaasut tatiginassusaat pillugit misissuisitsisimavoq, misissuinerullu inernerani politikerit tatiginannginnerpaatut inissisimapput.

Nakorsat australiamiut tatiginarnerpaanerarneqarput. Soorlu uutitersimasunut suliarinninnissamut immikkut ilisimasalik, Fiona Wood, ataqqineqaqaaq. Taanna Balimi 2002-mi qaartartumeerisoqarnerani eqqugaasunut sulilluarsimanerminut atatillugu assorsuaq akaarineqarpoq. Uppernarnerpaatut, tatiginarnerpaatut ukiup aappassaa inissinneqarpoq.

Kunngissap nuliata, Mary-p, australiamiut isaannit suna pillugu taama uppernarnerpaassutigineraa sukumiinerusumik eqqaaneqanngilaq.

Kunngissalli nuliata nuannarineqarnera inuppalaarneralu pillugu nunatsinni misissuisitsisoqartuuppat, soorlu aamma tapersersuisorpassuussagunartut.