Royal Arctic Linep umiarsuartaava containerersuut “Mary Arctica” 10.400-nit maajip ingerlanerani takornariarneqarpoq.
“Mary Arctica” umiarsualivinni tikitani tamani maajip qulinganit 26-at ilanngullugu ammasumik kaffillerfiusarpoq, umiarsuullu naalagaata Gorm Houlbergip umiarsuup soqutigineqarnera nuannaarutigaa.
- Suliaqarnaqaaq taama amerlatigisunik takornariartoqarnera, kingornatigullu eqqiarneqangaatsiartariaqarsimavoq. Gorm Houlberg oqarpoq.
“Mary Arctica” Københavnimi Aalborgimilu apriilimi aamma takornariarneqarsinnaasimavoq, taamani pulaartut 2.500-simapput.