Mary Simon, Canadami inuit Kattuffianni, Inuit Tapiriit Kanatami, præsidentiusoq, Europami sapaatip akunnera una angalavoq, Canadami inuit puisinniartarnerat paasititsinitigalugu.
Mary Simon Bruxelles-imeeqqammerpoq, EU-mi ilaasortat inatsisartui tusagassiorfiillu tamaani oqalugiarfigalugit. Oqaluttuuppai puisit amiinik tunisineq 1980-ikkunni inerteqqutigineqalermat Canadami inuit aningaasaqarnerat qanoq ajoqsiisimatigisoq.
- Puisinniarneq inuunitsinnut, aningaasaqarnitsinnut kulturitsinnullu pingaarutilerujussuuvoq; puisinniartarnittalu unitsinnissaa eqqarsaatiginngilluinnarparput, Mary Simon oqarpoq.
Mary Simon-ip erseqqissarpaa, siunnersuutigineqartoq naggueqatigiinnut inunnut sunniuteqarnavianngisoq, Belgiami amernik pisisartut, immikkoortissinnaanngimmassuk ameq pisiartik Canada-p kangiani pisarineqarsimanersoq imaluunniit naggueqatigiinnit inunnit pisarineqarsimanersoq.