Nunanit allanit

Mary Simon ataqqinaataasumik nersornaatisisoq

Naggueqatigiit Inuit siuttuisa ilaat nuimasoq, Mary Simon, ataqqinnaataasumik Norgemi nersornaaserneqarpoq.
Allattoq Marianne Stenbæk, Montreal, Canada
apriilip 23-at 2018 08:03
Nutserisoq Simon Uldum

Mary Simon, Norgemi Bodø universitetimi sapaatit akunneranni matumani ataatsimeersuartoqarnerani nersornaammik High North Heromik tunineqarpoq.

Inummut issittormiut inuuniarnikkut atugaannik eqeersimaartumik suliniuteqartumut nersornaammik, norgemiut aningaasaataannik 50.000 koruuninik aningaasartalimmik, pingajussaanik tunniussisoqarpoq.

AAMMA ATUARUK Mary Simon-rapport skaber ny arktisk politik i Canada

Mary Simon, Nunavimmi Kuujjuarmeersoq, ICC-mi aamma  Inuit Tapiriit Kanatami præsidentiusimavoq.

Taassuma Inuit Ruslandimiittut issittormiut suleqatigiinnerannut peqataatilernissaat suleqataaffigisimavaa, Naalagaaffiit Peqatigiit Nunap Inoqqaavinut Ataavartumik Ataatsimiititaliaanni sulisimalluni kiisalu Canadap Issittoq pillugu aallartitaatut aamma sulisimalluni.

Mary Simon Namminersornerullutik Oqartussanit Nersornaammik kuultiusumik 1992-imi tunineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq