Mary naartuvoq

Ataqqinartup Kunngissap Frederiup nulia Mary naartusoq, kunngikkormiunit ullaaq manna nalunaarutigineqarpoq. Kunngissap nulia Mary Oktoberip qaammataata naanerani rigshospitalimi ernissasoq, kunngikkormiut oqaaseqartartuata hofchefip P. Thornitip oqaatigaa.

Kunngissap nulia Mary nartuusoq tusaannarlugu Nuummi Brugsenimi iffiorfimmi iffiortut malunnartitsiniaallutik kaagiliulereersimapput. Nuup Brugseniani iffiorfimmi ikiorti Kathrine Tobiassen oqarpoq radiomi tusaannarlugu asanninnerup kagianik taallugu malunnartitsiniaaniarlutik.

Kunngissap nuliatalu meerartaavat siulleq Danmarkimi kungisanngorumaarpoq. Maryli panissaarpat kingusinnerusukkullu ernertaassagaluarpat, ernertaavat kunngissanngorumaarpoq. Taamatut aalajangersaavoq dnamarkip tunngaviusumik inatsisaa 1953-meersoq.

Brugsenimilu niivertitsisup Larissa Bentzenni isumaqarpoq aalajangersagaq qanganitsersimasoq.

Kina kunnginngussanersoq tunngaviusumik inatsimmi erseqqissumik nalunaarneqarpoq, allatullu iliortoqassappat tunngaviusumik inatsit allanngortariaqarpoq.

Kunngisarli Frederik aamma nulia Mary ernertaaqqaassagaluarpata, ernertaassaat kunngissaassaaq. Panissaassagaluarpata, kingusinnerusukkullu paniinnaliorlutik, imaluunniit meerartaaqqisanngikkaluarunik, paniat kunngiussusermik kingornussissaaq.

Danmarkimi tunngaviusumik inatsit folketingimit allanngorteqqaartariaqarpoq.

Taassuma kingorna innuttaasut taasitinneqassapput, tunngaviusumillu inatsimmik allannguinermi 40 procentit akuersisimasariaqarput.

Inatsisartut siulittaasuata Jonathan Motzfeldtip Mary naartulersimasoq tusarlugu, pilluaqqussummik nassinniarpaa.

Norgemi kunngissap Haraldip nulia Mette-Marit aamma nartuvoq, decembarimilu ernissasoq nutaarsiassaqartitsiviit allaaseraat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat