Mary Arctica Arina Arcticamik taarserneqarallassasoq
Mary Arcticap suliassaanut Arina Arctica maannamit atorneqassasoq, Royal Arctic Line allappoq.
Umiarsuaatileqatigiiffiulli ilisimatitsissutigaa Arina Arctica mikinerungaatsiartoq Mary Arcticamullu naleqqiullugu affaannarmik usisinnaassuseqarluni.
AAMMA ATUARUK Skadet Mary Arctica skal på værft
Umiarsuaq usilersorneqareerpat sunik useqarnersoq RAL-ip aatsaat ilisimatitsissutigisinnaassagunarpaa.
- Inuussutissat allanit salliunneqassapput, tassanngaanniillu sullitat suleqatigalugit nassiussassat sorliit aamma nassiunneqassanersut paasiniarneqassaaq, RAL nittartakkamini taama allappoq.
- Tamanna ingerlaarnerit tulliinut soorunami ajornartorsiutinik pilersitsissaaq. Taamaammat neriuutigaarput Mary Arcticap ajoquserneri piffissaq ungasinngitsoq iluarsineqarsinnaassasut, umiarsuaatileqatigiiffik sullitaminut taama allappoq.
AAMMA ATUARUK Mary Arctica iluliamut aportoq