Martin Paldam: Kalaallit Nunaat Danmarkimut tapiissuteqartalertariaqarpoq
Aningaasaqarnermut professori Martin Paldam isumaqarpoq, Kalaallit Nunaat uuliaatilissuanngoruni Danmarkimut tapiissuteqartalertariaqartoq.
oktobarip 10-at 2007 07:38
- Kalaallit Nunaat 1953-imi piitsooqaaq, ullumikkulli kalaallit atugarissaarmata isumaqarpunga Kalaallit Nunaat sinneqartoorutiminik Danmarkimut tapiissuteqartalerpat pissusissamisoortoq, Martin Paldam Radioavisimut oqarpoq. Danmarkip Kalaallit Nunaannut 1953-imiilli tapiissutaasa maannamut 150 milliardi koruuniunissaat Paldamip naatsorsuutigaa.
- Kujataani orsugiassiorfik, taassumalu sinneqartoorutigisimasai, ilanngukkaanni nunasiaataanerup nalaani amigartoornerit tamatuma missaanniipput, Paldam nangippoq.
Arfanniarnerit, uumasullu meqqullit assigiinngitsut kiisalu aalisakkat qanoq amerlatigisunik isertitsissutaasimanerat Danmarkimut qanoq sunniuteqarsimanersoq professorip akissuteqarfiginngilaa.
