Martin Paldam: 150 milliardi koruunit Kalaallit Nunaata Danmarkimut taartissarai

Kalaallit Nunaat Danmarkimiit pisuujuneruleraluaruni Danmarkimut tapiissuteqartalissaaq. Aningaasaqarnermut Professori, Århusip universitetianeersoq Martin Paldam qinngasaarerpalaarluni taamatut nalunaarpoq. Ukiut ingerlanerini Nunatsinnut tapiissutaasarsimasut kisissimavai, tapiissutillu katillugit 150 milliarder koruuniunerarpai.

Kalaallit Nunaat 1953-imi piitsuusorujussuuvoq, ullumikkulli kalaallit inuuniarnikkut inissisimanerat qaffasittorujussuulluni. Tamanna naalagaaffeqatigiinnerup iluani Danmarkip misiginneqataalluni aningaasarpassuarnik tapiisarsimanerata kinguneraa. Kalaallit Nunaat pisuujunerulissagaluaruni taamaammat Danmarkimut misiginneqataalluni tapiisalertariaqarpoq, Martin Paldam oqarpoq. Ukiut ingerlanerini Danmarki Kalaallit Nunnaannut 150 milliarder koruunit missaannik tapiisimavoq, taakkunannga ilanngaatigineqarsinnaapput assigiinngitsutigut sinneqartoornikkut Danmarkip isertitarisarsimasai annikitsunnguit. Sinneqartoorutit eqqarsaatigineqartut tassaapput qallunaat suliffeqarfiisa unammillerteqaratik Kalaallit Nunaanni suliaqartarsimanerminni, nunani allani suliaqartarsimanerannut naleqqiullugu sineqartoornerusarsimanerat. Uani naatsorsukkanni assigiinngitsut, soorlu Orsugiassiorfik ilanngussimanngilakka. Orsugiassiorfik eqqaassagaanni taanna Kalaallit Nunaat nunasiatut inissisimagallarmat ingerlanneqarsimavoq, tassangaanniillu sinneqartoorutit Kalaallit Nunaata ingerlanneqarneranut aningaasartuutit matussusiinnartarsimavai. Taamani ullumisuut tapiisoqartanngilaq, taamanili tapiissutaasarsimasut allat Danmarkip iluanaarutigisimasaasa amerlaqatigiinnangajappaat, taamaalilluni oqartoqarsinnaavoq taamani Kalaallit Nunaat Danmarkimut aningaasartuutaasimanngitsoq, Martin Paldam oqarpoq.

Namminersulivinnissamik anguniagaqartut suliniaqatigiiffimmi Inussummeersut isumaqarput, Martin Paldan uniorujussuartoq, bloktilskudit qanga ullumikkullu isumaqatigiissutigineqartarmata paaseqatigiinneq tunngavigalugu. – Illuatungeriit isumaqatigiissuteqartarput aningaasaliissutissanik taarsersugassaanngitsunik aamma isumaqatigiissummi ilanngunneqanngisaannarpoq bloktilskudit kingumoortumik taarsersorneqassasut Kalaallit Nunaata imartaani nunavittaaniluuniit uuliamik qalluisoqaleraluarpat, Inussummeersoq Elisabeth Ravn Johansen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat