Martin Møllerip Tour de Ski naammassivaa
Unammeriaatsimi tassani unamminerit immikkoortunut arfineq marlunnut agguarneqarsimapput. Taakkunani qangatoortumik aamma saarlisaarluni unammisoqartarpoq ippassarlu unammineq unammisaqattaarnerit sakkortunersaattut taaneqarsinnaalluarpoq. Ingerlaffik 9 kilometeriinnaagaluarpoq Italiamili qaqqat sivinganersaasa ilaata Val di Fiemmep sivingarngatigut majuarneruvoq. Unammeqataasut majuarnerminni ilaatigut 29 procentimik sivingassusilik aqqutigaat sisoraatinillu oqilaniunnerni allani taama sivingatigisukkoortoqarneq ajorpoq.
Martin Møller normu 65-uvoq apuuttuni kingullersaalluni. Tassani ajugaasuuvoq russeq Alexander Legkov Martin Møllerimik nalunaaquttap akunneranik affarmik sukkanerusoq. Martin Møller tassani unammeqqittussaavoq ukiormanna kingusinnerusukkut nunarsuarmi pissartanngorniuttoqalerpat tassani aamma unammisoqartussaammat.
