Martin Møllerip danskit unammillertini suutinngikkai
Ingerlanneqartoq Duathlon tassaavoq 2x5,5 kilometerinut klassiskimik ingerlaaqqaariarluni ujakkaarutit taarseriarlugit, løjpet sukuutsertarfittut ittut sukkasuumik 2,5 kilometerit sisamariarlugit kaajallannerini aallartiinnarlutik unammillertini tamaasa qimakattarpai, naammassinermilu 4.40 minutsinik danskit Jens Hulgaard aamma Tue Rømerilu ajugaaffigalugit.
Aamma atuaruk Danmarkimi ujakkaarluni pissartanngorniuttoqarnerani nunatsinneersut marluk kuultinnapput
Aamma atuaruk Martin Møller ujakkaarnermi Danmarkimi pissartanngorniunnermi kuultinnappoq
Taamaalilluni 35-inik ukiulik NSP-imeersoq 15 kilometerernermi, isorakitsumut arpannermi, maannakkullu duathlonimi kuultinnappoq.
Sulilu tallimanngorpat marlukkuutaarluni stafetternermi, arfininngornermilu unamminerni takinerpaami 50 kilometerimi klassiskimik unamminermi Martin Møller marlunnik allanik kuultinnaqqinnissamut periarfissaqarpoq.
Duathlonimi DM-ertoqarnerani inernerit tamaasa uani malinnaaffigineqarsinnaapput.