Martin Møller VM-imi normu 83-iuvoq
Nunarsuarmi sisoqqarinnerpaat ullumikkut 15 kilometerimut friteknikimi unammipput Val di Fiemme-imi nunarsuarmi pissartanngorniuttoqarnerani. Martin Møller normu 83-iuvoq ajugaasumit 6:38 minutsinik kigaannerulluni Øystein Slettemarkilu normu 88-iuvoq ajugaasumit 7:31 minutsit kigaannerulluni.
Allattoq Peter Troelsen, Noah Mølgaard
Norgemiu Petter Northug ilimagineqareersutut ajugaavoq Sverigemeersoq Johan Olsen tullersortigalugu. Norgemeersoq Tord Asle Gjerdalen unamminissaq sioqqullugu ilimagisaavallaarsimanngikkaluartoq pingajuuvoq. Ullumi unamminermi peqataasut 101-upput.