Martin Møller OL-imi peqataassanngilaq

Torino-mi ukiuunerani OL-ertoqarnissaanut Martin Møller ilaanavianngilaq. Danmarkimi OL-eqarnissaanut ataatsimiisitaliaq taama aalajangerpoq.

-Dansk Olympisk kommiteep taamatut aalajangerneranut pissutaavoq angusareqqusat Martin Møllerip inungaatsiarmagit, Danmarkimi timersortartut kattuffianni tusagassiisarnermi pisortaq Morten Mølholm oqarpoq.

OL-imut peqataatinniarlugu kalaallit danskillu politikeriisa nunarput sinnerlugu peqataanissaa tapersersoraluarpaat. Timersortartoqataasalumi tapersersoraluaqaat – iluatsinngitsumilli.

Paasissutissiisartulli ukiuunerani OL qaangiun-niariarpat nunatsinni Danmarkimilu attuumassuteqartut Dansk Olympisk Komité-p naapikkusunnerarpai.

Taamaalilluni Martin Møller peqataassanngikka-luartoq, siunissami peqataasalerumaartussat aqqutis-siuunneqarsinnaalissapput. Nammineq ilimagikan-nereersimavaa ilaanngitsoornissi, taamaattumik maanna sisoraaserluni ooqattaasarnermik

sungiusarpoq. OL-imut peqataanissamut piumasaqaatit sakkortuallaarnerarpai, allanngortittariaqarnerarlugillu.